Pagahugton sang mga otoridad ang security measures sa Grandville Grounds kasunod sang rambol sang duha ka grupo sang mga pamatan-on.
Sa interview sang Bombo Radyo kay Roxas City Councilor Fernando Luis Viterbo, iya ginpahayag nga gilayon sila nga nagsinapol sa mga force multipliers agud talakayon ang pagpapasangkad sang seguridad sa lugar kag malikawan ang kaangay nga insidente.
Suno kay Viterbo, ginkadismaya sini ang natabo bangud nagahatag ini sang kakugmat sa seguridad sang mga turista, negosyante, kag estudyante nga napadulong sa lugar.
Dugang pa sini, iya ginhingyo ang pagdugang sang security personnel sa establisemento agud masiguro nga indi na maliwat ang amo nga rambol.
Ginmandu man sini ang pagpatuman sang body check sa entrance agud malikawan nga may makasulod nga may yara sang armas ukon iban pa nga delikado nga kagamitan.
