Nagpahanumdom si Roxas City Councilor Midelo Ocampo sa mga motorista nga mangin responsable sa paggamit sang mga traffic lane sa syudad.
Ini bangud sa iya nga personal nga eksperyensya sa dalan.
Sa interview sang Bombo Radyo kay Ocampo, iya ginpahayag nga nagluntad ang insidente sang nagligad nga semana samtang nagpauli sila halin sa Barangay Loctugan matapos mag-upod sa pagdistribute sang fertilizers sa mga mangunguma.
Suno sa konsehal, ginsundan sang ila salakyan ang isa ka Ceres Bus kag samtang nag-overtake kuntani sila, hinali nga may tricycle nga naggwa sa linya sang bus, gani diyutayan na lamang nga magkarambola ang mga salakyan.
Bangud sini, naghingyo ang mga motorista nga mangin maalam sa paggamit sang traffic lane, ilabi na sa pag-overtake, kag sundon ang mga traffic rules agud malikawan ang mga insidente nga mahimo magresulta sa seryoso nga kahalitan.
