ROXAS CITY, CAPIZ- Preparado na ang Roxas City Disaster Risk Reduction and Management Office, para sa manug-abot nga Bagyo Verbena.
Sa interview sang Bombo Radyo kay Gilbert Francisco Fernando, Head sang nasambit nga talatapan, iya ginpahayag nga nagpatigayon na sila sang paghinun-anon kaupod ang nagkalain-lain nga ahensya.
Suno kay Fernando, sa nasambit nga pagsinapol, gin-istoryahan ang mga preparasyon kag kinahanglan himuon sang tagsa sa tion nga yara na ang nasambit nga bagyo.
Pahayag nya, naka-prepositioned na ang mga pagkabutang para sa rescue operations sa mga magapangayo sang bulig kaangay sang heavy equipments, emergency kag sevice vehicles.
Nakapreparar naman ang mga evacuation centers, kag magluwas dira, mahimo man nga maka-evacuate ang mga evacuees sa tagsa ka mga buluthuan sa syudad.
Nahibaluan nga naka-code red na sa subong ang Roxas City Disaster Risk Reduction and Management Office.
Gindeklara naman sang talatapan ni Mayor Ronnie Dadivas, nga kanselado ang klase bwas, Nobyembre 25 sa tanan nga lebel, lunsay pribado kag pampubliko nga mga buluthuan.
Nagapanawagan naman ang natungdan sa mga pumuluyo sang kooperasyon, agud nga masiguro ang kaluwasan sang tagsa-tagsa sa tion sang bagyo.
Interviewed by Bombo Francis Biñas
