Ginlutos sang Gilas Legends ang Roxas City Flyers sa score nga 103-94 sa exhibition game nga ginhiwat sa Dinggoy Roxas Civic Center bilang kabahin sang selebrasyon sang ika-75 nga Charter Day sang Roxas City.
Gindugukan sang basketball fans ang “Roxas City 75: Legends & Champions Basketball Festival” nga highlights sang mga kilala nga personalidad sa Philippine basketball.
Nagpanguna naman para sa Gilas sanday Marc Pingris, Jeff Chan, Gary David, Arwind Santos kag Willie Miller upod pa sang iban nga beterano nga players.
Sa bahin sang Roxas City Flyers, ginpangunahan ini sang lokal nga players kaupod sanday James Yap, JR Quiñahan kag Senegalese player nga si Alpha Gueye.
Nagpasalamat naman si Roxas City Mayor Ronnie Dadivas sa tanan nga nangin kabahin sang event kag nagsiling nga isa ini ka madinalag-on kag indi malipatan nga gab-i para sa Roxas City.
