-- ADVERTISEMENT --
All set na ang Roxas City Government sa pagpatigayon sang Sinadya Festival 2026 nga magasugod sa Nobyembre 28 kag magatapos sa Disyembre 8, 2026.
Sa interview sang Bombo Radyo kay Mr. Melvin Galagate, Head sang Roxas City Communications Group, iya ginpahayag nga nakumpleto na ang mga preparasyon para sa nagahilapit nga selebrasyon.
Suno kay Galagate, lakip sa mga aktibidad nga ginapaabot amo ang Sinadsad, fireworks display kag iban pa nga kabahin sang pista.
Dugang pa sini, gilauman man ang pagdagsa sang madamo nga bisita nga magaupod sa selebrasyon sang Sinadya Festival 2026.











