Ginsigurado sang Roxas City Government nga wala sang pinilitay sang pagsaot sa ila mga empleyado sa ginpatigayon nga Christmas Party.
Sa interview sang Bombo Radyo kay Melvin Galagate, Information Officer III sang Roxas City Information Division, iya ginpahayag nga antes ang Christmas Party, nagsinapol ang tanan nga mga Department Heads kaupod ang ila mga katapo nahanungod sa nasambit nga programa.
Suno kay Galagate, voluntary ang mga performances sang mga empleyado agud mapakita man ang ila sini abilidad sa pagsaot man ukon pagkanta.
Pahayag pa niya, napanghatag naman ang bonus sang tanan nga regular employee sang Roxas City Government bilang preparasyon man sa nagahilapit nga Paskwa kag Bag-ong Tuig.
Dugang pa sang natungdan, magapadayon ang maayo nga serbisyo sang ila talatapan para sa pagbulig sa tanan nga pumuluyo sang syudad sang Roxas.
