Roxas City Government, mapatuman sang Four-Day Work Week

Magapatuman ang Roxas City Government sang Four-Day Work Week, sandig sa Memorandum Circular No.114 halin sa Office of the President.

Epektibo subong nga adlaw ang pagpatuman, kon sa diin ang oras sang opisina amo ang Lunes tubtob Huwebes, las 8:00 sang aga tubtob las 7:00 sang gab-i kag ang Biernes isa ka adlaw nga wala sang trabaho.

Agud masiguro ang padayon nga pagserbisyo sa publiko, ang mga talatapan nga nagahatag sang kinahanglanon nga serbisyo ang magapadayon sa regular nga iskedyul.

Ginapanugyanan man ang tanan nga kliyente kag stakeholders nga magplano kag mag-iskedyul sang ila pagbisita kag transaksyon sa sulod sang gintalana nga oras sang opisina.