Nagpaabot sang pauna nga bulig ang Roxas City Government sa lima ka pamilya nga apektado sang nagluntad nga sunog sa Brgy. Adlawan Roxas City.
Mahibaloan nga naubos tupok sang kalayo ang balay sang pamilya Tomasa lakip na ang tanan nila nga pagkabutang.
Samtang, Wala naman sang may nareport nga nasamaran ukon napatay sa insidente.
Ginpaabot gilayon sang Roxas City Government ang pauna nga bulig-pinansyal sa mga pamilya nga naapektuhan sang sunog agud makabulig sa ila pang-adlaw-adlaw nga kinahanglanon samtang nagapangita sang temporaryo nga matineran.
Suno sa lokal nga panguluhan, padayon man ang koordinasyon sa National Housing Authority agud mahatagan pa gid sang dugang nga bulig kag assistance ang mga nasunugan nga pamilya para sa ila pagbangon.
