Roxas City Government , nagpatigayon sang simple nga pagselebrar sang ika-75th Charter Anniversary sang syudad

Nagpatigayon ang Roxas City Government sang simple nga pagselebrar sang ika-75th Charter Anniversary sang syudad.

Sa interview sang Bombo Radyo kay Melvin Galagate, head sang Roxas City Communications Group, iya ginpahayag nga base sa Republic Act No. 603, ang Mayo 12 ginkilala bilang kaadlawan sang civil governance sang Roxas City.

Suno kay Galagate, nagsugod ang selebrasyon pinaagi sa isa ka Misa sang Pasalamat sa Immaculate Conception Metropolitan Cathedral nga ginpangunahan ni Roxas City Mayor Ronnie Dadivas.

Dugang pa niya, ini nga selebrasyon isa ka importante nga okasyon para sa syudad nga nagapakita sang padayon nga pag-uswag sang Roxas City.