ROXAS CITY -Ginkumpirmar sang pamunuan sang City Health Office nga may ara sang nag-abot nga mga rapid testing kits nga gin-donar sa gobyerno sang siyudad.
Suno kay City Health Officer Dr. Lory Cahilog, pagahatagan sang prayoridad para sa nasambit nga testing kits ang mga ‘symptomatic’ nga mga indibidwal nga may yara sang close contact sa nagpositibo sa coronavirus disease (COVID-19), mga senior citizens nga may yara sang close contact sa nagpositibo sa covid-19 disease kag mga frontliners nga exposed sa publiko.
Gin-athag sini nga limitado gid lamang ang suplay sang mga rapid testing kits rason nga wala pa sila sang plano nga magpatigayon sang sang mass rapid testing.
Gindugang pa ni Cahilog nga 86% ang accuracy sang resulta sang rapid tests.
Suno pa diri nga dako ang mabulig sang mga rapid testing kits
para maseparar ang mga maga-positibo para sa real-time polymerase chain reaction (RT-PCR) Test.
Samtang magluwas diri ginkompirmar ni Cahilog nga may palaabuton pa sila nga mga rapid testing kits nga ginbakal mismo sang gobyerno sang siyudad.
