CAPIZ – Nag-abiso ang National Grid Corporation of the Philippines nga may yara sang power interruption sa Enero 18, Domingo nga adlaw sa Roxas City kag probinsya sang Capiz.
Sa interview sang Bombo Radyo kay Engineer Edgar Diaz, Acting General Manager sang Capiz Electric Cooperative, iya ginpahayag nga maga-umpisa ang power interruption las 6 sa aga tubtob las 10 sa aga sa diin ang mga apektado nga banwa amo ang Pontevedra kag Ivisan.
Lakip na diri suno kay Diaz amo ang Tabuc, Panitan padulong sa Bailan; Timpas, Panitan padulong sa Ivisan kag mga Barangays Lonoy, San Jose, Jumaguicjic kag Cabugao sa syudad sang Roxas.
Ini bangud sa Hotspot correction nga himuon sang NGCP sa ila nga Substation sa Panitan.
Samtang, las 6 sa aga tubtob las 3 sa hapon sa amo sa gihapon nga adlaw, apektado sang power interruption amo ang bilog nga Roxas City magluwas lang sa mga barangay nga wala nagakuha sang kuryente sa syudad kaangay sang Barangays Adlawan, Li-ong, Loctugan, Bago kag Olotayan.
Ini naman bangud sa preventive maintenance sang 69kV Panitan-Roxas High Voltage Equipment sang National Grid Corporation of the Philippines.
