Nagapasalamat si Roxas City Mayor Attorney Ronnie Dadivas sa gobyerno sa paghatag sang cash assistance sa mga tricycle drivers sa syudad pamaagi sa Cash Relief Assistance program sang Department of Social Welfare and Development (DSWD).
Sa interview sang Bombo Radyo kay Mayor Dadivas, iya ginpahayag nga nalipay gid sya nga makita ang mga tricycle drivers sa syudad nga nagbaton sang P5,000 nga cash.
Suno sa iya, dako nga bulig ang amo nga cash assistance bangud nga nabatyagan niya gid nga tuman nga naapektuhan ang amo nga mga drivers sa padayon nga pagtaas sang presyo sang gatong tuga sang kinagamo sa Middle East.
Nahibaluan nga subong nga adlaw Abril 8, ginpatigayon sa bag-o nga Dinggoy Roxas Civic Center ang pagpanagtag sang amo nga cash assistance.
Nagalaum ang natungdan nga may yara man sang iban pa nga mga programa para sa iban pa nga apektado sang amo nga krisis nga ginapangatubang sang pungsod.
Interviewed by Bombo Sunnie Mae Constantino Batencila | via Bombohanay sa Udto
