Roxas City Mayor Dadivas, ginkompirmar nga may mga evacuees naman sa siyudad bangud sa bagyo nga Tisoy

ROXAS CITY – Ginkompirmar ni Roxas City Mayor Ronnie Dadivas nga may mga evacuees naman gikan sa pila ka mga kabaranggayan sa siyudad sang Roxas.

Ini ang kasunod sang pagpakig-angut sang alkalde sa City Disaster Risk Reduction and Management Council.

Suno sa alkalde nga sa Congressman Ramon A. Arnaldo High School (CRAAHS) sa Barangay Banica, may yara sang apat ka pamilya.

Samtang may kapin 60 ka mga evacuees naman nga nagatinir sa Banica Elementary School.

Suno kay Dadivas nga ang mga evacuees ang gikan sa mga lugar nga peligroso sa tion sang bagyo kapareho sang sa mga coastal areas.

Ginpasiguro man sang alkalde nga preparado na ang mga food packs sang lokal nga gobyerno sang siyudad nga igapanagtag sa mga maapektuhan sang bagyo nga Tisoy.