Opisyal na nga nagsumpa si Roxas City Mayor Ronnie Dadivas sang iya katungdanan sa Malacañan Palace, matapos ini mapili-an bilang National Vice-Chairperson sang League of Cities of the Philippines National Executive Board para sa tuig 2025-2028.
Sa interview sang Bombo Radyo kay Roxas City Mayor Dadivas, iya ginpahayag nga magluwas sa League of Cities of the Philippines (LCP), nagsumpa man ang mga opisyales sang League of Municipalities of the Philippines (LMP) nga ginpangunahan ni Presidente Ferdinand Marcos Jr.
Suno pa kay Mayor Dadivas, ginplastar sang Presidente ang pagkuha sang bahin sa budget sang Department of Public Works and Highways kag igahatag sa mga Local Chief Executive agud pangunahan ang pag-implementar sang mga proyekto kadungan sang isyu sa maanomalya nga flood control project
Pahayag pa niya, ginbida man sang Presidente ang Early Childhood Care and Development Program nga may tinutuyo nga magtukod sang Child Development Centers (CDCs) sa idalum sang pagdumala sang local government unit agud mangin handa ang mga kabataan antes magsilod sa pormal nga edukasyon.
Dugang pa sang natungdan, pagalauman nga gamiton sa intsakto ang pondo nga igahatag sang National Government sa nagakaangay nga proyekto agud mapanami pa ang syudad sang Roxas.
