Ginpahayag sang local government sang Roxas City nga nakapasar ang syudad sa CY 2025 DILG Good Financial Housekeeping (GFH), isa ka pagkilala nga ginahatag sa mga local government nga nagapakita sang maayo kag transparent nga pagdumala sang pondo publiko.
Suno diri, ang nasambit nga pagkilala nagapamatuod sang padayon nga commitment sang syudad sa paghatag sang responsable, transparent kag insakto nga paggamit sang pondo sang gobyerno agud masiguro nga ini magamit sang mga pumuluyo kag makabulig sa pag-uswag sang Roxas City.
Nagpasalamat man ang local government sa mga empleyado kag opisyal sang City Government nga nagbuligay sa pagmintinar sang mabakod nga kahimtangan pinansyal sang syudad, labi na sa tion sang mga krisis.
Ginpabutyag man nila ang ila padayon nga pag-paninguha nga mapabilin ang matinlo nga panggobyerno nga nagasentro sa pagserbisyo kag pag-amlig sang interes sang katawhan.
