Ginpasidunggan ang Roxas City PESO bilang Best PESO sa Pilipinas, nga nagapakita sang mga best practices agud nga makahatag sang maayo nga serbisyo kag trabaho sa mga pumuluyo.
Sa interview sang Bombo Radyo kay Caroline Dadivas Roxas City PESO Manager, iya ginpahayag nga Roxas City ang napili-an nga nakabaton sang award nga Best PESO sa bilog nga Pilipinas nga under sa category nga 2nd to 4th class City category.
Suno pa kay Dadivas, may ara sila sang mga best practices rason kun ngaa nakuha nila ang nasambit nga pagkilala, lakip na diri ang paghatag sang nagkalain-lain nga mga services, ang passport on wheels, PRC on the road, proficiency inbound and outbound training, kag may ara sang MOA sa mga senior high school students nga para i-train sa English proficiency.
Dugang pa sang natungdan, wala sila sang dako nga problema nga na encounter samtang ginapatigayon nila ang mga best practices kag dapat planuhan kag maging preparado sa tanan nga butang
Sa karon, ginakalipay gid sang natungdan ang ila nga pagkilala nga nabaton kag nakahatag man ini sang dungog indi lang sa siyudad sang roxas kundi sa bilog man nga probinsya sang Capiz
