ROXAS CITY – Ginapakakas sang Department of the Interior and Local Government ukon DILG ang mga barangay checkpoints sa mga national highways sa bilog nga Pilipinas.
Ini ang ginkumpirmar ni Police Lieutenant Colonel Ricardo Jumuad Jr., hepe sang Roxas City Police Station sang mainterview sang Bombo Radyo.
Suno sa kay Col. Jumuad nga sandig sa ginpaguwa nga memorandum sang DILG, ginapakakas na ang mga barangay checkpoint sa mga national highways kag provincial roads nga nagatuga sang pagka-atrasar sang mga deliveries sang mga essential kag non-essential goods nga nagapalapas sa mando sang Inter Agency Task Force sang Covid-19 Disease.
Gin-athag naman ni Col. Jumuad nga ginapahanugutan ang mga barangay tanod kag mga barangay officials nga magpagpatigayon sang checkpoint sa mga barangay roads apang nagakahilanglan nga mag-coordinate ang mga ini sa mga kapulisan.
