ROXAS CITY –Tatlo sa pito ka mga kalalakinhan ang nakahunong na karon sa karsel sang Roxas City PNP kasunod sang ginpatigayon nga operasyon batuk sa iligal nga sugal sa San Jose St., Barangay 3, Roxas City.
Ginkilala ang mga nadakpan sa akto nga nagasugal nga sanday Roy Camacho, Edwin Alcodia kag Vicente Escoltero.
Samtang gin-release matapos nagguwa sa imbestigasyon sang pulisya nga bystander lamang sanday Ramon Abella-treasurero sang Barangay 3, Hepty Esuma, Garry Arciete, Christopher Arrobang.
Nauna diri, ginkakibot sang mga nagahampang sang mahjong ang hinali nga pagsulod
sang mga pulis kag pag-aresto sa ila.
Suno sa mga gin-aresto nga lipod sa ila ihibalo nga ginadumili na sa karon ang paghampang sang mahjong.
Narekober sa lugar ang duha ka improvised lamp stand, 2 bombilya, 10 plastic chairs 3 wooden chair, 1 majong set, 1 baraha kag cash nga P290.
