Roxas City PNP liwat nga nakabaton sang reklamo natuhoy sa peke nga P500 nga kwarta nga ginbayad sa isa ka merchandising mall sa siyudad

ROXAS CITY – Wala na karon sang plano nga magpasaka sang panumbungon ang isa ka supervisor batuk sa babayi nga responsable sa pagbayad sang peke nga kwarta sa isa ka merchandising mall sa siyudad sang Roxas.

Base sa inisyal nga imbestigasyon nga nagbayad sang peke nga P500 si Hermelinda Dayalo 58-anyo sang Sitio Nasagud, Barangay Bolo sining siyudad sa cashier nga si Arlyn Arabe.

Apang, mismo si Dayalo man ang nakanotisyar nga peke sini ang iya ginbayad nga kwarta rason nga gilayon ini nagpadulong sa Roxas City Police Station.

Ginaalegar nga naggikan ang P500 sa isa kumpanya sang lendingan.