-- ADVERTISEMENT --
May yara na sang person of interest ang kapulisan sa pagpangawat sang halos ₱263,000 nga kwarta nga yara sulod sang vault sang isa ka lending company sa Brgy. Tiza, Roxas City.
Sa interview sang Bombo Radyo kay Police Chief Master Sergeant Ramil Arcangeles, Public Information Officer sang Roxas Component City Police Station, iya ginapahayag nga may yara na sila ginasundan nga suspek base sa Closed-Circuit Television (CCTV) footage nga nakuha sa lugar.
Suno kay Arcangeles, nag-agi ang suspek pinaagi sa pagbuka sang glass window sa banyo kag amo man ini ang gin-agyan sa pagguwa pagkatapos sang pagpangawat.
Sa subong, padayon ang imbestigasyon sang kapulisan agud makilala kag madakpan ang responsable sa insidente.
