Ginkilala ang Roxas Component City Police Station bilang top operating unit sa operational accomplishment sa bulan sang Agosto 2026.
Sa interview sang Bombo Radyo kay Police Lieutenant Colonel Rogelio Tomagtang Jr., Chief of Police sang Roxas Component City Police Station, iya ginpahayag nga nakarekord sila sang 15 ka wanted persons, lakip na ang duha ka most wanted persons.
Lakip man sa ila mga operasyon ang mga kaso sang illegal possession of firearms, illegal gambling, kag pagbaligya ukon paggamit sang illegal nga droga.
Suno kay Tomagtang, daku ang kontribusyon sang Local Government Unit sang Roxas City kag mga barangay officials bangud sa ila padayon nga suporta, koordinasyon kag kooperasyon sa pagpatuman sang mga programa para sa peace and order kag crime prevention sa syudad.
Ginpasalig man sang natungdan nga magapadayon ang ila maayo nga performance paagi sa maayo nga pagserbisyo sa kumunidad.
