Nag-deploy sang malapit 80 ka mga kapulisan ang Roxas Component City Police Station sa Ati-Atihan Festival sa Kalibo, Aklan bilang suporta sa security operations sa nasambit nga event.
Sa interview sang Bombo Radyo kay Police Chief Master Sergeant Ramil Arcangeles, spokesperson sang Roxas Component City Police Station, iya ginpahayag nga ang deployment ang kabahin sang 451-police contingent nagikan sa Capiz Police Provincial Office nga gin-assign agud nga magbulig sa festival.
Suno kay Arcangeles, ang mga pulis ang ginpangbutang sa mga key areas agud masiguro ang crowd management kag public safety sa festival activities.
May yara man sang mga personnel nga ginpang-assign sa pag-monitor sang intelligence, pag-assist sa border control kag pag-secure sang outer areas nga sakop sang event.
Pahayag niya, ang deployment sang kapulisan ang wala lang naka-focus sa anti-criminality operation kundi ini nagalakip sang preventive measures agud masiguro nga safe kag malinong ang selebrasyon para sa locals kag turista.
Padayon nga gina-engganyo sang Roxas City PNP ang festivalgoers nga magpabilin nga vigilant kag i-report ang mga ginadudahan nga mga aktibidad sa mga law enforcement officers nga yara sa lugar.
