ROXAS CITY – Naghatag sang dako nga yuhom sa katapo sang Roxas City Police Station ang nabaton nga pasidungog nga gintan-ay sang pamunuan nagikan sa Philippine National Police bilang isa ka Best Component City Police Station sa bug-os nga rehiyon 6.
Sa interview sang Bombo Radyo kay PLTCOL Francisco Paguia, ginpahayag sini nga ang nasambit nga pasidungog ang kadungan sang pagselebrar sang ika-122nd Police Service Anniversary.
Sun okay Paguia, masadya nila nga ginpabaton ang amu nga pasidungog sa pagpanguna ni PNP Chief PGEN Benjamin C Acorda Jr. kag PRO 6 Director PBGEN Sidney N. Villaflor.
Matandaan, una na nga ginkilala ang Roxas City PNP bilang 1st Runner-Up Best City Police Station (Component City Category) sa National Level.
Isa lamang ini suno diri sa maayo nga performance kag pagbuyluganay sang katapo sang kapulisan sa bug-os nga probinsya kag subong man sa kooperasyon nga ginhatag sang publiko, pinaagi sa paghatag kag paghibalo sang mga impormasyon.
Bangud sini, nagalaum si Paguia nga magpadayon ang kasubong sini nga buluhaton agud mapabilin kag magmintinar ang kalinong kag katawhay sa bug-os nga probinsya sang Capiz.
