Nagapanawagan ang Roxas Component City Police Station sa mga ginikanan nga bantayan sang maayo ang ila mga kabataan agud mapabilin nga malinong kag matawhay nga kabug-usan sang klase para sa School Year 2026-2027.
Sa interview sang Bombo Radyo kay Police Lieutenant Colonel Rogelio L. Tomagtang Jr., Officer-in-Charge sang Roxas City Police Station, iya ginpahayag nga importante ang aktibo nga partisipasyon sang mga ginikanan sa pag-giya kag pagmonitor sang ila mga kabataan, ilabi na sa oras sang pagsulod kag pagpauli halin sa eskwelahan.
Suno kay Tomagtang Jr., padayon ang pagpatrolya sang kapulisan sa mga eskwelahan kag sa mga dalanon agud masiguro ang seguridad sang mga estudyante.
Ginpangabay man sini ang kooperasyon sang publiko agud mangin matalunsay ang School Year 2026-2027.
