Nagpaandam ang Roxas Component City Police Station sa publiko sa nagalapta nga grupo sang budol-budol
Sa interview sang Bombo Radyo kay Police Lieutenant Colonel Rogelio Tomagtang Jr., Officer in-charge sang Roxas Component City Police Station, iya ginpahayag nga may yara na sang pila ka kaso sang budol-budol nga nabalhag kun sa diin may yara sang nagapakuno-kuno nga classmate sang bata sang biktima.
Suno kay Tomagtang, bangud sa mga pagpangganyat, natigayon nga makuha ang pila ka mga alahas kag cellphone sang biktima nga wala sini matalupangdan.
Pahayag pa niya, padayon ang ila nga imbestigasyon angut sa insidente agud nga matigayon nga madakpan ang nasambit nga grupo sang pagpanunto.
Nagpanawagan man ang natungdan sang kooperasyon kag paghalong sang publiko agud malikawan nga mangin biktima sang kaangay nga iligal nga buluhaton.
