Naglab-ot na sa 51 ka mga loose firearms ang nakumpiska sang Roxas Component City Police Station bilang kabahin sang kampanya kontra Loose Firearms sa idalom sang Project RTT kag CAPeace-Tawhayan sa Capiz Police Provicial Office.
Sa interview sang Bombo Radyo kay Police Lieutenant Colonel Rogelio Tomagtang Jr., Chief of Police sang Roxas Component City Police Station, iya ginpahayag nga kalabanan sa mga armas nga nasurrender sa ila latatapan amo ang 12-gauge shotguns, .38 caliber revolver kag mga improvised firearms.
Suno kay Tomagtang, ginapatigayon ini nga kampanya sa idalom sang Project RTT 3389 ukon Restrict, Track, and Turn-In kag CAPeace-Tawhayan agud matapna ang pagpanag-iya kag paggamit sang mga loose firearms.
Ginpaghayag man sini nga dako ang bulig sang mga barangay officials sa pag-engganyo sa mga nagapanag-iya sang loose firearms nga boluntaryo nga magsurrender sang ila mga armas sa mga otoridad.
Nagpanawagan man ang natungdan sa mga nagapanag-iya sang loose firearms nga iturn-over ini sa mga otoridad agud malikawan ang posible nga paggamit sang mga armas sa krimen.
