ROXAS CITY – Nagpasa sang request ang Roxas City Police Station sa Roxas City Government nga nagaduso nga ilakip sa business permit applications ang Affidavit of Consent bilang requirement agud makakuha sang Closed Circuit Television (CCTV) footage ang mga kapulisan kun may mga matabo nga insidente ukon krimen.
Sa interview sang Bombo Radyo kay PLt. Col. Ricardo Jomuad Jr., hepe sang Roxas City Police Station, iya gina-engganyo ang mga barangay officials nga mag-install man sang CCTV cameras sa ila lugar.
Nag-request man ang hepe sa Department of the Interior and Local Government (DILG) nga tsekyaron kun naga-function sang maayo ang naga-eksister nga CCTV systems sa mga barangay.
Dugang pa sang natungdan, ang amo nga tikang ang may katuyuan nga ma-address ang pagpangduha-duha sang pila ka mga establisimento nga maghatag sang CCTV footage sa mga imbestigasyon kag agud mapa-improve pa ang kooperasyon sa law enforcement.
