Magatambong ang bug-os nga Royal Family sang Spain sa FIFA World Cup 2026 Final agud personal nga suportahan ang national team sa ila hampang batok sa Argentina sa New York New Jersey Stadium sa East Rutherford, New Jersey.
Lakip sa magabiyahe sanday King Felipe VI, Queen Letizia, Princess Leonor kag Infanta Sofía.
Suno kay Bombo Angelic Linares, International Correspondent sa Spain, iya ginpahayag nga bug-os ang suporta sang mga Espanyol sa national team, kag ginatan-aw nga daku nga moral boost para sa mga manugdula ang presensya sang Royal Family sa final.
Antes sini, nagpakita na sang ila suporta ang Royal Family matapos mapierde sang Spain ang France, sa score nga 2-0, sa semifinal.
Ginalauman man nga magatambong man sa final si Spanish Prime Minister Pedro Sánchez sa hampang sang Spain kag Argentina para sa korona sang FIFA World Cup 2026.
