Posible nga magtestigo si former Police Colonel Royina Garma sa pagbista sa International Criminal Court (ICC) kay former President Rodrigo Duterte bangud sa mga pagpamatay sa idalom sang ‘war on drugs.’
Ginkumpirma ni former Senador Antonio Trillanes IV nga nakabaton siya sang impormasyon nahanungod sa posible nga testimonya ni Garma, nga suno sa iya kabahin sang ila nauna nga mga pagbuyagyag nahanungod sa mga extrajudicial killings sa Pilipinas sa ICC.
Apisar nga indi pa mapat-od ang eksakto nga kaundan sang iya testimonya, una na nga nag-atubang si Garma sa isa ka komitiba sang Kamara kun sa diin ang gin-alegar implementasyon sang ginatawag nga “Davao Model.”
Ini ang ginpahayag reward system sa pagpatay sa mga ginasuspetsahan nga involve sa iligal nga droga.
Suno kay Trillanes, magluwas kay Garma, ginalauman man nga magatestigo sa ICC ang iban pa nga mga personalidad kaangay sang ginaalegar anay hitman nga sanday Edgar Matobato kag Arturo Lascañas nga una na nga naghatag sang pahayag angut sa alegasyon sang pagpatay.
Ginahulat pa ang opisyal nga kumpirmasyon gikan sa ICC angut sa mga witnesses kag ang sakop sang ila testimonya sa kaso.
