Russia, liwat nga ginbomba ang Ukrainian power grid lima ka tawu patay

Lima patay kag 39 ang pilason sa pagpang-atake sang Russia sa Ukraine paagi sa isa ka serye sang drone kag missile attacks nga naigo sa power grid kag iban pa nga imprastraktura.

Suno sa Ukrainian Air Force, naglunsar ang Russia sang 11 ka Iskander-M missiles kag 164 ka drones.

Apisar damo ang na-intercept, may pila sa gihapon ang nakaigo nga mga target sa pagpang-atake.

Naapektuhan ang mga pasilidad sang enerhiya sa Poltava kag Kharkiv, base sa Naftogaz.

Samtang, ginpahayag sang Russia nga may temporaryo nga ceasefire sila, apang nagpadayon gihapon ang tensyon kag pagbayluhanay sang atake sa duha ka pungsod.