Russia, nagpaandam sa pag-atake sa Ukraine bilang balos sa nauna nga drone attacks sang Ukraine nga nagresulta sang kamatayon sang 18 katao

Nagpaandam ang Russia nga posible ini maglunsyar sang sunod-sunod nga pag-atake sa mga pasilidad militar sa Kyiv, Ukraine bilang sabat sa drone attack sang Ukraine nga nagresulta sa pagkapatay sang 18 ka tawo sa Luhansk region.

Suno sa Russian Ministry of Defence, target sang ila operasyon ang mga lugar kun sa diin ginahimo kag ginapreparar ang mga drone sang Ukraine.

Ginpahanugyan man sang Russia ang mga foreigner, lakip ang mga diplomat kag international organizations, nga maghalin anay sa Kyiv para sa ila seguridad.

Samtang, ginpahanugyan man ang mga residente sang Kyiv nga maglikaw sa mga military kag government facilities bangud sa nagataas nga tensyon sa tunga sang duha ka pungsod.