Nagpatigayon ang Russian nuclear-capable bombers sang scheduled flight sa Norwegian kag Barents Seas.
Suno sa Russian Defense Ministry, pila ka Tu-95MS strategic bombers kag missile carriers ang nagpatigayon sang nasambit nga flight kag ginmintenar ini sa neutral waters nga ginatabunan sang duha ka nasambit nga kadagatan, nga lunsay yara sa naaminhan nga bahin sang Russia.
Ginpasalig man sang ministry nga ang flights sang mga long-range bomber ang nagasanto sa international law.
Napahayag man sa report sang gobyerno sang Russia nagsiling man nga pila ka mga fighter jet gikan sa iban nga pungsod ang nagbantay sang ila paglupad, apang wala ini nagtuga sang tensyon.
Ini nga mga pungsod ginpahayag nga nagpadala man sang ila kaugalingon nga mga fighter jet agud lagson ang Russian aircraft.
Sa subong, wala pa sang ginpaguwa nga detalye ang Russia kon diin nga pungsod ang nagkuha sang ila fighter jets.
Matandaan sa nauna nga pahayag sang Japan kag South Korea, ang duha ka pungsod nagsiling nga ang Russia nagpalupad sang pila ka Tu-95 bombers sa ila teritoryo, lakip ang kahawaan nga ginatabunan sang Dagat sang Japan kag sang Sidlangan nga baybayon sang China.
