Patay ang isa ka Russian Lieutenant General nga ginkilala kay Fanil Sarvarov matapos nga naglupok ang bomba nga ginbutang sa idalom sang iya salakyan sa Moscow suno sa Russia’s Investigative Committee.
Si Sarvarov, amo ang leader sang operational training department sang armed forces.
Makit-an sa mga laragway gikan sa lugar ang isa ka puti nga salakyan nga may mga pertahan sini nga guba, sa sulod sang isa ka parking lot malapit sa isa ka bloke sang apartment sa lugar.
Sa pihak nga pungsod, ginpasaka sang mga otoridad ang kaso nga pagpatay kag ilegal nga pagbaligya sang mga eksplosibo.
Si Sarvarov kilala siya sa combat operations sa tion sang Ossetian-Ingush conflict kag Chechen wars sang dekada 1990 kag early 2000s. Isa man ini sa mga nagpanguna sa operasyon sa Syria sang 2015-2016.
Gilayon naman nga ginpahibalo kay Russian President Vladimir Putin ang kamatayon ni Sarvarov, suno sa Kremlin.
Nahibaluan nga sugod sang ginsugdan sang Russia ang bug-os nga pagsalakay sa Ukraine sang Pebrero 2022, pila ka mga opisyales sang militar ang ginpuntariya sang mga bomba sa salakyan sa Moscow.
