Sa labing una nga tion sugod sang ginbakal sang Estados Unidos ang Alaska gikan sa Russia sang 1867, ang isa ka presidente sang Russia opisyal nga magabisita sa estado.
Magaabot si Russian President Vladimir Putin sa Anchorage, Alaska agud makigkita kay US President Donald Trump sa isa ka summit nga nagatuyo sa paghinun-anon sang posible nga paghidait sa nagapadayon nga inaway sa Ukraine.
Ang pagpili sang Alaska bilang duog sang pagtililipon may madalom nga simbolismo.
Kapin sa isa ka siglo ukon 158 ka tuig sugod sang ginbaligya sang Russian Empire ang Alaska sa balor nga $7.2 milyones, isa ka tikang nga gintawag sang mga kritiko sadto nga “Seward’s Folly.”
Apang sa pagligad sang panahon, ang Alaska napamatud-an nga importante sa estratehiko nga depensa sang Amerika, ilabi na sa tion sang Cold War.
Ang pagsinapol pagahiwaton sa Joint Base Elmendorf-Richardson, isa ka mayor nga instalasyon militar sa Anchorage.
Suno sa mga opisyal, istoryahan nanday Putin kag Trump ang isa ka kontrobersyal nga proposal nga “land swap” bilang kabahin sang posible nga kasugtanan sa kalinungan sa Ukraine.
