Ryzza Mae Dizon, nakabaton sang death treats halin sa wala mahibaluan nga sender

Nagakabalaka ang Team Ryzza matapos ginpahayag nakabaton sang threatening messages si Ryzza Mae Dizon halin sa wala mahibaluan nga sender.

Base sa screenshots nga gin-share sa Facebook page sang team, gina-alegar nga nagpangayo sang P20,000 ang sender para sa operasyon sang iya bata kag nagpamahog nga i-involve ang pamilya ni Ryzza kun indi mahatag ang kwarta.

Panawagan sang Team Ryzza sa publiko nga maghalong kag magpabilin nga mabinantayon.

Sa subong, wala pa makumpirmar ang identity sang sender kag kun bala napalab-ot na sa otoridad ang insidente.