-- ADVERTISEMENT --
ROXAS CITY– Padayun nga ginabulong sa Roxas Memorial Provincial Hospital ang apat ka indibidwal matapos ginaalegar ginbungguan sang motorsiklo ang isa ka trisikad sa banwa sang Ivisan, Capiz.
Ba-se sa imbestigasyon sang traffic section sang Ivisan Municipal Police Station aksidente nga nabungguan sang motorsiklo nga ginamaneho ni Arnel Felasol ang kasugata nga trisikad nga ginamaneho naman ni Reynaldo Jugao nga residente sang Barangay Sta. Cruz sa nasambit nga banwa.
Nag-angkon sang pilas sa ila nga lawas sanday Felasol kag Jugao nga gilayom gindala sa ospital.
Magluwas sa duha nag-angkon man sang pilas ang mga naga-angkas sa motorsiklo nga sanday Ernalyn Bacaro kag Zoraida Funtillano matapos nag-apok bangud sa impact sang pagkabunggo.
