Sa pihak sang magarbo nga bersyon sang Santa Claus, sa diin bala nagikan ang iya istorya? Atun hibaluon!

Subong nga tion sang Paskwa, kadam-an sa atun ang nagalaum nga kun tani makabaton sang regalo mapabata man ukon tigulang.

Apang sa diin bala ayhan nagikan ang istorya ni Santa Claus?

 Isa sa mga kilala pag-abot sa mga kabataan.

Suno sa Tammany Parish Library, may isa ka kilala nga bishop nagikan sa pungsod Turkey nga nagahingadlan kay Nicholas ang kaangay dalangpan sang kadam-an.

 Si Nicholas ang ginbun-ag sadtong 280 A.D. kag kilala nga mabinuligon kag maalwan.

 May pila man ka mga istorya may kaangtanan sa iya kabuhi nga nagasiling nahimo pa sini niya nga ibaligya ang iya kagamitan agud itan-ay sa mga nagakinahanglan.

 Maibaluan nga nagtaliwan si Nicholas Disyembre 6 kag makaligad ang pila ka dekada, ginkilala ni Pope Eugene IV sadtong Hunyo 1446 kag siya ang nangin Santo.

Ginkilala man ang Disyembre 6, bilang opisyal niya nga kapistahan kung sa diin kalakip diri ang paghatag sang mga regalo.