Sabrina Carpenter, gin-ilisan ang album cover pagkatapos nakabaton sang kritisismo

Ginpaambit sang singer nga si Sabrina Carpenter ang bag-o nga cover sang iya album nga “Man’s Best Friend”.

Sa iya social media nagpaambit siya sang pila ka bag-o nga mga litrato sang iya album.

Sang Hunyo, sang ginpakita sini ang una nga cover sa publiko, nakakuha ini sang kritisismo nga ang isa ka lalaki nagaguyod sa iya samtang nagaluhod siya, gani nagapasanyog ini sang mga misogynistic stereotypes ukon nagapakanubo sa mga babayi.

Sa bag-o nga cover nga ginshare sang pop princess, ginpahayag sini nga gin-aprubahan ini sang Ginoo kun sa diin daw kaangay nga ginahakos niya ang lalaki.

Ang nasambit nga album ang ika-pito nga studio album sang singer kag natalana ini nga i-release sa Agosto 29.