ROXAS CITY – Magapatigayon sang hinun-anon ang Sacred Heart of Jesus Development Corporation (SHJDC) kag tagdumalahan sang Tres Niñas Security Agency agud maresolbar ang isyu angut sa ginaalegar iligal nga pagpahalin sa duha ka mga security guards nga nagaduty sadto sa Villa de San Lorenzo Ruiz sa Barangay Cagay, sining syudad.
Sa pagpangusisa sang Bombo News Team sa nasambit nga security agency, ila gintadlong ang tinaga nga termination nga gingamit sang duha ka mga tagreklamo, sa baylo suno sa tagdumalahan nga ginpull-out lamang ang mga security guards.
Matapos nga ginpull-out sila sa isa ka subdibisyon sa Barangay Cagay, gilayon nga nagpangita sang ila masayluhan ang ahensiya.
Apang gin-alegar nga naglisensiya si Cris Eustaquio nga mapahuway sang isa ka semana.
Natabuan man nga immediate ang pagkinahanglan sang security guard sang nakit-an nga kumpaniya sang security agency kag bangud naghinyo si Estaquio nga magapahuway nagpangita sila sang iban nga guwardiya nga ginpa-duty.
