SEOUL, South Korea – Ginasigurado sang acting President Choi Sang-mok sang South Korea ang pagpatuman sang emergency safety inspections sa tanan nga airline operations, isa ka adlaw matapos nga naglab-ot sa 179 ang napatay sa pag-crash sang eroplano nga Jeju.
Nagpanawagan si Choi sang istrikto kag maid-id nga inspeksyon sa tanan nga airline operations sa ila pungsod.
Ginpanindugan sini nga ang tagsa ka nagakadula nga kabuhi ang ginakasubo sang bug-os nga South Korea, gani ginpanindugan sini nga indi na dapat masulit ang nasambit nga trahedya kag dapat ini likawan sa palaabuton.
Una sa tanan, nag-crash ang eroplano nga Jeju Air sa Muan International Airport nga ginkamatay sang tanan nga pasahero samtang duha lamang ka crew sang eroplano ang nakalampuwas.
Ang mga boss sang eroplano nagpangayo man sang pasaylo sa publiko sa press conference nga ginhiwat kasunod sang makahaladlok nga trahedya.
