Safety sang mga estudyante, prayoridad sang PMRMIS-South sa pagbukas sang klase

Ginpasiguro sang President Manuel Roxas Memorial Integrated School (South) nga prayoridad nila ang safety kag kaayuhan sang mga estudyante sa una nga adlaw sang klase.

Sa interview sang Bombo Radyo kay Jocelyn Hedriana, Principal III sang eskwelahan, iya ginpahayag nga ginpreparahan nila ang pagbukas sang klase agud masiguro nga komportable ang mag estudyante sa pagtuon.

Suno kay Hedriana,padayon ang pagmonitor sang eskwelahan sa kahimtangan sang mga estudyante agud masiguro ang maayo kag malinong nga pagtuon sa bug-os nga school year.

Nagalaom man ang administrasyon nga pinaagi sa kooperasyon sang mga ginikanan, maestro kag estudyante, mapadayon ang malinong kag produktibo nga pagtuon sang mga kabataan.