Sakayan nadakpan nga nagapatigayon sang iligal nga pagpangisda

ROXAS CITY – Nagapabilin sa kustodiya sang Bantay Dagat, Roxas City ang isa ka sakayan kag mga fishing parapahernalias matapos nga naaktuhan nga nagapatigayon sang iligal nga pagpangisda sa kalalawran nga sakop sang Roxas City.

Nadakpan nga nagapatigayon sang iligal nga pagpangisda ang boat captain nga si Antonio Meñoza, 46-anyos kag boat engineer nga si Michael Artillero 38-anyos nga lunsay mga residente sang Barangay Dumulog sining siyudad kaupod ang napulo ka iban pa nga mga tripulante.

Narekober naman sa posisyon sang mga nadakpan ang isa ka sakayan kag mga fishing paraphernalia nga ginamit sang mga ini sa pagpangisda.