ROXAS CITY – Nagpabalhag sang reklamo sa Roxas City Police Station ang isa ka seaman matapos nga ginaalegar ginpahug sang isa ka radio reporter sa Barangay Tiza, Roxas City.
Ginkilala ang tagreklamo nga si Jaymark Catoera, 32 anyos sang Barangay Gabuan, Roxas City.
Sandig sa tagreklamo nga nagpadulong ini sa opisina sang Baskog Radyo agud klaruhon lamang ang sala nga pagreport sang ila reporter kag sala nga pagpost sang balita sa social media kun sa diin nadalahig ang salakyan sang tagreklamo sa nagluntad nga aksidente sa Panitan, Capiz.
Nahibaluan nga nagpadulong ini sa nasambit nga radio station apang sa baylo nga istoryahon ginpahug pa sang ginareklamo sini nga si India Obera nga tawgan sang pulis ang tagreklamo.
Suno pa kay Catoera nga luyag lamang sini klaruhon ang sala nga pagbalita sang amo nga radio station.
Bangud sa natabo ginpakamaayo na lamang sang tagreklamo nga iparekord sa pulisya ang insidente.
