ROXAS CITY – Pilason ang anom tanan ka miyembro sang Philippine Army 61st Infantry Battalion nga naba-se sa Barangay Lagdungan, Capiz matapos nahulog ang ila ginasakyan nga army truck sa talamnanan sa Barangay Angub, Cuartero, Capiz.
Nag-angkon sang magkatuhay nga kasamaran sa lawas sanday Private 1st Class Jonyl Mendon, nagamaneho sang trak, Lt. Ellasar Bupis, Cpl. Ronel Vego, PFC Carlo Porcal, PFC, AJ Harapon, kag PFC Archie Balungay.
Nahibaluan nga samtang ginasubay ang dalanon sa nasambit nga lugar, ginlikawan ni Mendon ang ila kasugata nga trak nga may karga nga balas apang nag-lumpat sa dalan ang army truck kag nagdiretso sa talamnanan.
Gilayon ginpadangat sa ospital ang pilason nga mga suldado agud madapatan sang nagakaigo nga pagbulong.
