Salesman nagpabalhag sa pulisya matapos nga ginaalegar ginsumbag sang iya kaupod sa trabaho

ROXAS CITY – Nagparekord sa Roxas City Police Station ang isa ka 23-anyos nga salesman matapos nga ginaalegar ginsumbag sang iya kaupod sa trabaho sa Barangay Banica, Roxas City.

Ginkilala ang tagreklamo nga si Christian Lamasa 23-anyos sang Barangay San Jose, sining siyudad.

Sandig sa ginpabalhag sang tagreklamo sa pulisya nga nagasunloganay sila sang suspek nga si Angelo Gorres 31-anyos sang Barangay Banica sining siyudad.

Ginapahayag nga naakig ang suspek rason nga hinali na lamang sini ginsumbag sa agtang ang nasambit nga tagreklamo.

Bangud diri, nag-angkon sang pagpalanakit sa ulo ang tagreklamo nga gilayon naman gindapatan sang nagakaigo nga pagbulong sang CERT.