Gin-ako ni Samuel Lloyd Lacia Milby sa isa ka interview nga luyag niya sa gihapon nga magka-anak matapos ini nga ginpamangkot ni Boy Abunda kun ano ang handum subong nga nagapang-edaron na ini sa 40-anyos.
Nagginhawa sang madalom ang aktor ginpahayag nga ‘I still dream of having a family, im 40.’
Magluwas diri, ginpahayag pa ni Sam nga kadam-an sa mga abyan sini ang may asawa kag anak na.
Apang wala naman ginakuha ni Sam ang rason nga tanan nga tawo ang may kaugalingon nga kabuhi kun sa diin baton sini ang sitwasyon nga wala pa suno diri nakaplano sa iya ang gusto niya nga matabo.
Dugang pa sang aktor nga pressured siya magka-anak bangud gusto sini nga mapasa ang apelyido nga ‘Milby’ nga suno pa sa iya indi common nga apelyido.
Wala man ginakunsiderar sang aktor nga magka-anak anay antes ang pagpakasal.
Samtang, naghibi naman si Sam matapos balikan ang break-up nila ni Miss universe 2018 Catriona Gray kun sa diin aminado ini nga nakaapekto sa iya ang pagbulagay nila ni Catriona.
Samtang nagahibi, ginpahayag sang aktor nga indi nangin madali para sa iya ang tanan kag ginhinyo nga indi niya luyag anay nga istoryahan pa ang mga detalye sa ila nga pagbulagay sang anay beauty queen.
