Nagbukas sang bag-o nga kapitulo sa iya health journey ang aktor nga si Sam sa iya health journey matapos siya magpasugod sang stem cell therapy agud mabuligan ang iya Type 2 diabetes.
Sang Hunyo 19, 2025, nag-share si Milby sa iya Instagram nga nagsugod na siya sang bag-o nga treatment plan para sa iya kondisyon.
Suno sa iya nga post, first niya nga mag-try sang stem cell therapy agud mabuligan ang iya nga type 2 diabetes, kag nagpasalamat siya sa clinic nga nagbulig sa iya nga pagpanikasog.
Sang masunod nga adlaw, nag-post ang clinic sang video nga nagapakita sang una nga session ni Sam sa ila exclusive nga “Reverse Diabetes Program.”
Suno sa clinic, ang therapy nga ginhatag kay Sam amo ang Pancreas-Specific Stem Cell Therapy nga nagagamit sang high-potency vials nga ginakuha pa sa Germany. Ang terapiya naga-tuyo nga mag-repair sang mga nasamaran nga pancreatic cells, mabalik ang insulin production, kag mabuligan ang lawas nga mag-regulate sang blood sugar levels sa natural nga paagi.
Pinaagi sini nga modern nga pamaagi, ginalauman ni Milby nga indi lang niya mapa-manage ang iya diabetes kundi maging inspirasyon man siya sa iban nga naga-atubang sang pareho nga health challenges.
