-- ADVERTISEMENT --
Sa imbukada sang ika-lima nga State of the Nation Address (SONA), ginhatagan pagtamod ni President Ferdinand Marcos Jr. ang mga kaso nga ginpasaka may kaangtanan sa ginaalegar korapsyon sa mga flood control projects nga una niya nga ginbuyagyag sa nagligad nga report.
Suno pa sa Presidente dapat nga manabat ang may sala kag ginasuportahan sini ang plano sang Ombudsman nga pagpasaka sang patong-patong nga kaso sa pakaisa sini nga si anay House Speaker Martin Romualdez.
Ginpahayag ni Marcos nga apisar masakit ang sitwasyon bangud pakaisa niya ini, kinahanglan sa gihapon nga ipatuman ang nasambit nga kasuguan.
Bilang Presidente sang Pilipinas, katungdanan niya nga unahon ang kaayuhan sang pumuluyong Pilipino kag indi ang personal nga relasyon.
