ROXAS CITY – Nagpanindugan si Capiz Governor Esteban Evan ‘Nonoy’ Contreras nga naka-depende na sa national Inter-Agency Task Force (IATF) ang pagdesisyon kun paboran ang gina-apelar sang League of the Municipalities in the Philippines (LMP) Capiz Chapter nga temporaryo nga pauntaton sang duha ka bulan ang pagpapauli sang mga Locally-Stranded Individuals (LSI’s) kag Returning Overseas Filipinos (ROF’s).
Ginpahayag sang gobernador nga wala naman siya sang mahimo kun indi na magbaton ang mga local government units (LGU’s) sa mga kabanwahanan.
Apang ginpasalig sini nga samtang may isa ukon duwa pa ka alkalde nga nakahanda magbaton sang ila mga residente, magapadayon ang pagdihon sang special flights sang gobyerno-probinsiyal.
Ginklaro man sang gobernador nga wala sang kamatuoran ang alegasyon nga wala sang koordinasyon ang pagpauli sang mga LSI’s kag ROF’s sa mga LGU’s sa kabanwahanan.
Ini bangud may yara suno diri sang letter of acceptance nga ginapirmahan ang mga local chief executives antes makapauli ang mga LSI’s kag ROF’s.
Nagapati naman ang gobernador nga indi pagpaboran ang apelar sang LMP-Capiz Chapter bangud mandatu sang gobyerno-nasyunal ang pagpapauli sa mga LSI’s kag ROF’s.
