Liwat naman nga natumblag ang San Jose National High School sa syudad sang Tacloban matapos nabatian sang mga estudyante ang ginapatihan lupok nga naghalin sa Senior High School building sang eskwelahan.
Suno kay Dr. Nilo Eder, Information Officer para sa Department of Education Tacloban City Division, nakaistorya niya ang principal sang eskwelahan, nga gilayon naman nga nagpanginwala sa alegasyon nga may nabatian nga lupok.
Ginpaathag sang prinsipal nga may nagakatabo nga hilikuton sa hulot-klasehan, kon sa diin may singgitan.
Dugang pa ni Eder nga ang isa ka estudyante nagkanta para sa iya pinalangga bilang kabahin sang aktibidad, nga nagtuga sang mga pagdayaw kag mga singgitan sang mga estudyante.
Gilayon nga nagpadulong sa lugar ang mga ginikanan matapos mabatian ang balita sa insidente.
Bilang sabat, gilayon nga nagpatigayon sang imbestigasyon ang kapulisan kag gin-evacuate ang mga estudyante agud masiguro ang ila kaluwasan.
